Day 4 澎湖比基尼島－夜釣墨魚、沙灘放天燈、玩火表演
喺比基尼島嘅日程完結之後，我地就出發去夜釣小管喇！
小管？係咩黎架？我同Albey 選行程個時，都唔知係咩？？XD
哈！原來小管係墨魚，即係夜釣墨魚XD
台灣叫小管，香港叫墨魚，馬來西亞叫”梭冬” (港式拼音XD）
想知馬來話嘅我現在釣緊墨魚點講，睇片啦！
日落後出發！
喺未開始之前，教練就先同我地講下釣小管嘅方式同注意事項。
之後我地就一人拎一支釣桿就開始啦！
墨魚都幾難釣，要係咁Chok下Chok下，因為下面有個發光體吸引D墨魚游過黎！
同埋兩個人唔可以企得太近，如果唔係好容易魚絲打結！
Chok左成晚好累呀！都係冇反應嘅！
之後Albey就爆左句，要好似 “愚公咁釣魚” XDXD
哈！我竟然都覺得呢句係岩，睇黎我地D中文都麻麻！
咁姜太公咪要去移山XDXD
結果我地全船人都係冇收穫呢！可惜......
不過好多野都係享受過程嘛！
原來今次行程除左體驗夜釣之外，仲有安排現場睇漁船圍捕丁香魚同小管架！第1次睇漁船點樣捕魚，又令我大開眼界喇！船隻向示範捕魚嘅漁船買左漁獲後，就即刻拎返去島上準備宵夜喇！
生嘅墨魚同丁香魚，第1次拎上手，感覺不太好XD
船員將漁船捕獲嘅小管煮成左一大鍋嘅小管麵線呀！
煮熟左或者係切左片就唔同喇！我要獨食......就奇啦！
嘩！小管沙西米、 辣炒小管、小管麵線、 清燙小管和涼拌丁香魚一共5樣宵夜，好豐富呀!
即撈即煮，果然特別鮮甜特別好食呢！
更係要分甘同味啦！
吃完宵夜後，估唔到仲有放天燈同玩火表演節目呢！
呢次係我第1次放天燈呀！
以前喺平溪嘅時候好想試一試，不過人太多，見到D天燈都放唔高就跌左落黎喇，咁樣意頭唔好呢，所以都冇試！
估不到喺比基尼島會有得放天燈呀！喺沙灘放天燈，好浪漫呀！
我同Albey 嘅願望都係一樣，我地要環遊全世界！！！
天燈嘅另一邊，我地各自再寫上自己嘅夢想。諗黎諗去都係旅行XD 咁就比我一輩子旅行吧！
天燈點亮了，照著我地嘅夢想呀！
倒數10秒後，我地嘅天燈就飛上去，飛到好遠呀！希望我地都願望成真啦！^^
