Day 3 台北松山機場＞澎湖
冇訓過嘅我地，早上5:45 已經黎到松山機場，準備搭內陸機去澎湖啦！
我地搭立榮航空嘅航班，好舊式呢！
我曾經試過喺兩星期內搭過9次飛機，大部份都係內陸機。
乘搭內陸機時都比較緊張，因為喺唔熟悉嘅環境下，好怕錯過航班，所以一般都會早到。
喺台灣乘搭內陸機都係第1次渣！乘搭內陸機提前1個小時就可以啦！原來內陸機行李托運只係包10公斤，但我嘅行李有20公斤，要比多$160 台幣，好在比我想像中低呢！
呢架飛機機翼係轉架，好懷舊呢！
台北松山機場，麻雀雖小，五臟俱全，提供內陸及國際航線服務。
Check In
國內線報到櫃位，感覺上像郵政局呢XD
行李托運
原來Check in 同行李托運係分開架。
入去禁區
奇怪嘅係水係可以帶上機？？！
準備登機喇！
呢班機係我搭過嘅飛機中最窄嘅，每邊只有2個座位，唔通呢D就係台灣國內線嘅特色？
睇到架機嘅時候真係有D驚會有危險呢！好在最後我地安全抵達澎湖喇！
由台北去澎湖都只係1小時左右，好方便呢！
