Day 10 高雄單車半日遊
喺高雄嘅第1個早上，亦都係最後1個早上，我地跟著導覽員－阿智，一邊聽故仔，一邊”踩住”單車出發喇！
因為我只係單車新手，為左唔好拖慢大家嘅行程，我都係做乘客啦！XD
哈！唔洗自己踩，太好喇！可以有更多專注欣賞風景同聽故仔呢！
高雄港都舊名打狗，所以我地就走進打狗故事裏，聽下打狗嘅故事啦！
第1站： 打狗文史再興會社
認識打狗故事，要從這裡開始！
高雄的檜木製的老房子！
其他的老房子！
第2站： 駁二藝術區
呢度我同Albey之前分別都黎過，我上次仲花左差唔多2小時係度影相添！XD
所以今次輕輕自拍一下就算喇！
第3站： 蒸籠街
呢度成條街幾檔都係賣蒸籠、木桶，原材料係檜木，係日本人最愛嘅木頭之一。
好多日本嘅房屋、澡堂木桶都係用呢種檜木造架！
影片中介紹嘅檜木水桶，更有防蟲作用呢！因為呢D蟲唔鐘意呢隻味！
可惜呢種手工技術愈黎愈少，就快失傳喇！
第4站： 武德殿
全台唯一保留著日本劍道的館
入門口之前，要先鞠躬以示尊敬！
入左去之後，簡直好似去左日本咁呀！
第5站： 西子灣隧道
黎到西子灣隧道，啊智親自示範點樣影唔同嘅跳呀！呢個姿勢我地仲未Handle 到XD
都係跳番我地嘅方式啦！
第6站： 西子灣海濱區
穿過西子灣隧道，我地黎到左西子灣海濱區，見到遠處嘅旗津燈塔呀！
可惜下午我地就要向台中出發喇！
估唔到上年我冇機會去旗津，今年都仍然冇機會，就再留到下一次吧！
第7站： 雄鎮北門
雄鎮北門係市定古蹟，穿過呢度再上去見嘅風景會更加靚呢！
第8站： 西子灣景觀橋
喺橋上望落去，別有一番風味呢！
高雄單車半日遊黎到尾聲，發覺同上次黎好唔同感受呢！
好多熱門景點，可能當地人都未去過，反而隱藏喺小巷入面嘅，卻保留左當地最真實嘅一面，令我地確確實實咁認識到當地嘅文化！
兜兜轉轉，我地喺”巷子內”搵到1杯又大又平又好飲嘅飲品呀！要兩隻手拎先穩呀！
冬瓜茶都只係35台幣，檸檬多酚45台幣，即係8-10港幣，好抵呀！
大家黎高雄都不防試下啦！
巷仔內
電話：0978-956295
地址：高雄市鼓山區濱海一路90號
第9站：青青文創的打狗故事館－黏土DIY
最後1站，我地黎到左啊智的工作室－青青文創的打狗故事館，呢度係從事人文、手創同旅行有關嘅事情。
我地呢個高雄半日旅程經歷左人文、旅行，剩低嘅就更係手創啦！
首先派發材料，我地用黏土去發揮自己嘅想像力啦！
Yeah！ 我學識左了用混土嘅方式整背景，都唔錯呢！XD
呢個係我嘅作品，名為「風車燈塔」！因為我又鐘意風車、又鐘意燈塔，就將佢地2合為1啦！
