Day 12 清境＞太魯閣＞花蓮
睇完日出，我地返去清境嘅小城堡執野，準備向太魯閣、花蓮出發！
我地今次搭共乘拼車由清境到花蓮，輕輕鬆鬆穿越台灣！
從民宿出發，沿著公路行駛，一邊睇風景、一邊打日出嘅文章，一心幾用已經成為左呢個旅程嘅習慣XD
太魯閣一路嘅風景好似山水畫，我地穿越時空，返左古代呢！
呢個拼車遊當然唔少得嘅就係跑景點啦！XD
第1站：武嶺
估唔到我地又返黎睇日出嘅地方，真係唔似係幾個鐘前發生嘅事咁，因為我地又展開左第2個旅程喇！
第2站：泰雅石＋泰雅勇士的傳說
泰雅石記載左泰雅族嘅傳說
仲有泰雅勇士雕像，等我學下泰雅勇士個Pose先，哈！原來咁都可以自拍Wo XD
另一邊仲有得行出去睇下風景呢！今日真係好好天呀！
第3站：碧綠神木
據說呢個神木已經活左大約千年喇！
雲海？好似仙境呀！
第4站：天祥散步
睇幅圖簡直好似返左古代，遊山玩水咁呀！
真實都真係好有風味架！
第5站：長春橋 ＋長春祠
見到長春橋，我竟然諗起千本鳥居XDXD
經過長春橋，行番落黎可以影到成個長春橋架！
穿過山洞，我地黎到左長春祠喇！想睇長春山洞入面？睇片啦！
靚到好似一幅3D畫咁！
終於明白點解好多外國人都鐘意中國嘅古代建築，就好似我地見到西方教堂都有呢種震撼呢！
喺長春祠望番過去，我地好似行左好多路咁呢！
導遊話見到呢個牌坊就證明我地抵達花蓮啦！
第5站：花蓮火車站
結果我地真係好快就到左花蓮火車站喇！
睇住其他乘客落車，我地嘅漫遊太魯閣之旅完結喇！
