Day 16 台北 淡水>迪化街商圈>西門站>桃園機場>香港
喺台灣嘅最後1日，我地冇事先安排嘅行程，所以就可以優閒少少，慢慢歎個早餐先啦！
我呢個中式早餐同畫嘅餐紙係一樣架！
呢個早餐好豐富，好滿足呢！
天下無不散之筵席，下午我地就各散東西喇！
Albey 去西門町作最後衝刺，我就同台灣朋友相聚，等佢地帶我去玩喇！XD
最搞笑係成個旅程大多數都係Albey照顧我，估唔到去到最後佢都仲好記得我未逛晒淡水，喺淡水仲有好多野食未有機會試，所以轉告比我嘅台灣朋友聽，要佢地好好照顧我，再帶我去淡水玩呢！XD
所以淡水我又回來了！
今次先去真理大學逛一逛！
我的台灣朋友今天就靠你啦！XD
再由淡水河入去淡水老街，發現呢度原來有好多雕像呢！
近睇好可愛呀！
開始搵食！
1. 正宗阿給－點左阿給＋魚丸湯
食落個口感好特別呢！而魚丸都好彈牙呀！
2. 阿媽的酸酶湯
以為酸酸地好開胃，原來仲好解渴架！
我喺泰國食過1次烤鳥蛋，而加吻仔魚就未試過喇！加左吻仔魚之後質感豐富左，好好食呢！
然後我同朋友講我想去拍”不能說的秘密”個間學校睇下，朋友二話不說好我帶你去！
結果黎到左淡江大學？XD
哈哈！應該係淡江高中呢！好多人都會有呢個誤會XD 好彩兩間學校都好近姐！
黎到淡江高中，好可惜地入面係禁止進入，有好多人都喺外面盡力咁影入面呢XD
哈！我從出面都影得好清楚呢！
仲記唔記得劇中嘅呢條路呢？
七里香～～唔通周杰倫嘅靈感都黎自呢度？XD
點解套戲過左咁耐，我都咁想黎呢度呢？除左真係套戲好睇同個景靚之外，其實仲有特別嘅意義！
因為呢套戲嘅元素，令到我第1次贏拍片比賽！亦都因為有第1次，令我之後就愛上透過參加比賽黎到挑戰自己，今次嘅台灣環島遊亦都不例外呢！XD
Yeah! 我地去下一站！
4. 71便利店－青森蘋果味雪糕
沿途經過71, 發現有青森蘋果味雪糕，我同朋友都被吸引左，一句要不要試一下呀？就引誘左我喇！好好味呀！好彩冇錯過呢種口味姐！
之後我地黎到迪化街商圈！
原來迪化街商圈好有歷史呢！
有好古舊建築嘅屈臣氏大樓！
好耐歷史嘅台北霞海城隍廟！
估下個白布有咩用？
原來係方便以前一大班人聚集時用黎睇投影片既！
5. 永樂－台南魚焿
有D似碗仔翅口感，但白菜就好清甜！
台灣人實在好客氣喇！我係不停食，冇停過呢！
我已經飽飽地時，佢地係會話買黎等肚餓食嘛XDXD 我覺得我都未有機會肚餓呢！
結果外帶左兩樣野，不過喺途中我都食完喇！XD
6. 城隍廟旁杏仁露
超冰嘅杏仁露～好爽！
7. 純正麥芽餅
我平時唔鐘意食麥芽糖，但喺朋友不斷推薦下，我就試下啦！
原來麥芽糖＋餅好好食呢！令到麥芽糖冇咁甜，又有餅嘅脆脆感覺！
最後我同Albey相約喺我上機前我地再喺西門站道別！
Albey已經滿載而歸，而我都食到好滿足呢XD
道別嘅一刻，我地都好唔捨得，希望有機會再見啦！
最後喺桃園機場欣賞到美麗嘅夕陽！
謝謝台灣朋友們陪伴我到最後一刻，帶比我好多在地人的體驗，仲幫我地買埋我地當時買唔到嘅報紙添！XD
有趣分享：
我個行李超重左兩公斤，職員Sell 我呢一個Plan，話呢個Plan有額外3公斤，所以我個行李就唔會超重喇！加長位？我未聽過既，心諗是但啦！還惦我行李超重都要罰錢......
點知原來加長位係機上嘅第1排比較寬嘅位呢XDXD That’s marketing!
前2次去台灣我都冇太大感受，但今次實在發生左太多事喇！
我會好好記住朋友嘅一句說話 ”我知道你好喜歡日本，但也要來台灣看看呀！”
台灣，我仲有好多地方未玩呢！XD
謝謝你給我再來的理由，下一次黎我一定會帶著佢！
再見喇台灣！
16天台灣環島遊完結了～
更多分享與交流：
Facebook: www.facebook.com/lifegoesonfreestyletraveler
lnstagram：york.york.freestyle_traveler
Blog: http://yorkyorkpau.blogspot.hk
