Day 15 台北 黃金博物館＞淡水老街
我地繼續包車遊嘅行程！
第4站：黃金博物館
黎到黃金博物館，變左礦車包車遊？XD 哈哈！
呢個博物館原來連Albey都未黎過架！咁我地就一齊去參觀一下喇！
嘩！睇下黃金博物館個導覽地圖，都幾大架！
唔想盲中中，更係要去遊客服務中心，拎Leaflet、借語音導覽器先啦！
仲要同呢度嘅主角，礦工先生影相XD
呢度有好多關於以前礦場嘅資料同展示，比我地了解番當時礦業嘅發展！
原來呢度仲係一個好好影相嘅地方呢！
喺金瓜石太子賓館有免費借用油傘服務！
和式太子主卧室
好有日本庭園藝術嘅感覺呢！
除左主要展示廳有語音導覽外，好多戶外地方，好似呢1條樓梯都有架！
語音導覽會講解一下呢一帶嘅植物品種呢，一邊聽一邊行就唔會覺得累喇！XD
上到去有條鐵路，會通向邊度呢？
原來就係呢條礦車嘅鐵路XD
隔離仲有個輕便驛，不停播住聽唔明嘅台語老歌呢！
我地見到真正嘅礦場同機器喇！呢度仲有好多展示比我地更了解當年礦工嘅工作內容添！
聽講呢D都係當年嘅出產物呢！
嘩！咁大塊金，係真定係假呀？
喺呢到我地仲搵到陰陽海形成嘅答案呢！
行到又累又餓嘅時候，等我地喺礦工餐廳試番個礦工便當先！
呢度有室內，亦都有室外，卡位嘅設計仲好特別架！
礦工便當有分布巾＋鐵盒、布巾＋木盒、同牒裝，當然價錢都會有唔同啦！
每個餐都有1枝礦工水送添！個便當真係好好食呀！不過我相信當年D礦工嘅便當應該冇咁好喇！
食飽飽，上車一邊打文章，一邊出發去下一站喇！
第5站：淡水老街
我地喺淡水火車站前落車入去！
踏進火車站嘅另一邊，見到各式各樣嘅街頭藝人正在表演呢！
街頭藝人，正吹著”澎湖灣”呢！
淡水海旁，很優閒呢！
如果喺呢度欣賞夕陽，應該都唔錯架！
我第1次黎到淡水有種好舒服嘅感覺，呢度應該都係當地人假日玩樂嘅地方呢！
原來Albey之前喺台灣讀書時，假日都好鐘意黎呢度架！
超高嘅雪糕，溶得好快呢!
入去老街後，見到有很多小吃呀，真係好想食完再買番屋企呢！
仲有衫、小飾物等等，呢個時候我又諗起可以將D野放喺車入面，然後再逛！XD
包車遊可以爽爽地購物呢XD
